Jowai : Kam chibynta wow kyntu ya ka kaam uiñke sawari ki bor district ka West Jaiñtia Hills da pynman ko ya ka Winter Fest 2017 kawa da sdang ynne ka sngi da ka The Bliss ha Haven’s Cove.
Hachwa wow sdang da em ka yalang kawa da pyllai da u W Laloo.
Ha kani ka sngi da em u Commissioner Secretary ka tnat Transport u T. Dkhar kam u kongsan katwa u ADC ka West Jaintia u S.C. Laloo da man u kam u symbood kongsan.
Hei klam u Dkhar da e yaroh u ya kiwa pyllai ya ka Havens Cove kiwa da ye u tei yakani ka thaw wa yoosuk.
Ya ki kyntien e khublei da e na u R. Laloo.
Ha kani ka sngi da wan sakhi da ki spah ngut, heiwa da pynwyrngia ya ki da ki sur, ki put ki tem, na u Sain Laloo wa ki lok u, ki dhab tem wa tip kam ki The Merrs ka Fashion Show wa i leh jadu na u Vikram Talukdar.
Ki paidbah da yoh ki leh u chong lieñ wa ka Rolling Water Ball.
Daw ptein ya kani ka Winter Fest ha Darrang ha ka 28 tarik uni u bnai wei u pynkut ya ka ha ka 11 tarik u Wisu da ka Wah Tisang Festival wow pynman leh da ka Borkhat Jaliakhola Aquatic Life Welfare Association.
Discussion about this post