Ynne ka sngi, ka East Jaiñtia Hills District Football Association (EJHDFA) da sdang ko yaka Women’s League 2023 ha Mandan Artificial Turf wei kani toh ka sien wa ar wa da pynman ya kani ka yalehbol ki kynthai hapoh ka District kawa da e pyrtuid leh kam ka Late Mary Tlang Memorial Trophy.
Ha kani ka sngi sdang da pynman artylli ki yalehke deiwa sdang da ka Deinchynrum SC pyrchah yaka Iongkalooh SC heiwa ka Deinchynrum da jop ko da 8-0 da ki kool wa thap da ka Felicia Sympli haka minit wa 2, 40, 53 wa 55, ka Alisha Lyngdoh haka minit wa 29 wa 41 waka Evangelin Bareh haka minit wa 23 wa 51.
Ha ka yalehke wa ar hapyrdi ka Dkhiah West SC pyrchah yaka Wapung Combine SC, ka Dkhiah West da jop ko da 7-1.
Ya ki koola ka Dkhiah West da thap da ka Russia Dkhar haka minit wa 17, 24, 60 wa 70, ka Batbitbha Bareh haka minit wa 5 wa 59 waka Dakani Shylla haka minit wa 63, katwa yaka Wapung Combine da thap da ka Charlin Nongtdu haka minit wa 46.
Discussion about this post