I khut yakhih pynkhang ya u sarok NH-6 khlem da booh por nadooh na Malidor hadooh Tongseng da ka JAC yong ka Dong Namchiang wa kynthup lang ya ka chnong Umkiang, Ratacherra, Dona Skur, Dona Umbluh, Pyrtakuna, Kuliang, Borsora wa Tongseng da man ko kawa lai bait ynne ka sngi.
Neiliang kiwa chong chnong da pynyieñ dhara ki hapyrdi u sarok ha chnong Sonapyrdi wa kiwi ki thaw kam ka dak pyrchah yei wym pynchna de ya uni u sarok da ki snem hanla da lai pyrpaad cha ki bor sorkar kamjooh ka NHAI da boon sien.
Uni u sarok kamwa man kattæ toh uwa sah da du ki moo wa ki thlu u wym yahaap de wow ong toh u National Highway.
Ini i yakhih da yoh i yei kyrchaan na u Dolloi ka Elaka Narpuh, ki seiñbhalang wa boon, ki seiñ kiwa kamai kari, kiwa yah Truck kamjooh ki tre Truck deilang wa kiwa chalan moochuni.
Ynne nadooh kiwa yah Truck wa lai luti na uni u sarok leh da wan ki wow pynyoo wei pynsñiaw yei kyrchaan yei yakhih ki paidbah.
Discussion about this post