Sdang ka yakhun 1st Evening Super 4 Football Tournament

Jowai : Ka 1^st Evening Super 4 Football Tournament ka lympung yaleh bol hei miet deibor i pynche da ki light kawa ye u man ka sien wa nynkong wa pynman ya kam kani ka Tournament ha Jowai kawa sdang ynnin ka 24 tarik hei pyllai ka Chutwakhu Social Welfare Local Dorbar da man ko kawa chong chit bha.

Ya kani ka yalehke da pynman ha madan Basketball wa em ha madan Jrisalein. Ya waroh ki yalehke u sdang heipor 6 waje i janmiet wei u yaleh mar soo ngut chiliang heipor 30 minit chi kylla.

Ha kani ka sien wa nyngkong da wan chimbynta 32 tylli ki dhab ki wow yakhun ya i naam jop kamjooh leh ya ka song poisa wa T. 12,000.

Related posts

Daw wan yalehbol ka Racing Club de Blackheath kawa na UK ha Wahiajer

November 14, 2024

Ka Ladrymbai United pyrchah ya ka Kur Suchen Bataw ha ka Final ka Prize Money Knockout Football Tournament ka WSCSO

November 13, 2024

Ha ka yalehke wa nyngkong da pynman ha pyrdi ka Alex FC pyrchah ya ka Kber FC. Ha ka kylla step ka Alex do yoh ko u thap 3 kool ha ka minit wa 5 wa 22 lyngba u Founder Passah wa ha ka minit wa 19 lyngba u Sambor Talang.

Neiliang ka Kber da thap ko ha ka minit wa 17 wa 27 lyngba u Renard Dkhar wa u Samehi  Langshiang. Kamtæ ka kylla step da kut ko 3-2.

Ha ka kylla miet won ka Kber yoh ku su sa chi kool ha chwa u kut i por ha ka minit wa 60 lyngba u Renard Dkhar.

Ya ka yalehke da rai ya kiwa jop da ka yachut tie-breaker heiwa ka Kber da jop ko da 2-1.

Ha ka yalehke wa ar won ha pyrdi ka Cham Cham United wa ka Umchangiar man ko kawa jem chilliang heiwa ka Cham Cham da jop ko da 11-2.

Ya ki kool ka Cham Cham da thap u Mayalang Lanong ha ki minit wa 3,20,54 u Yultideboon Langbang ha ki minit wa 6 wa 34, u Ewanmi Lakiang ha ki minit wa 22 wa 43, u Pynshngainmi Suchiang ha ki minit wa 26 wa u Marsan War ha ki minit wa 31,46 wa 58.

Neilaing ka Umchangiar  da thap u Manlang Suting  ha ka minit wa 8 wa u Tyrchain Phawa ha ka minit wa 21.