Sdang ka yaklam pynbait pood, daw hiar ki ar Montri Rangbah cha thaaiñ Khanduli  

Ka kylla wa ar yong i yaklam wow pynbait ya ki 6 tylli ki thaw khappood yong ka jylla Meghalaya wa Assam da sdang ko ynne ka sngi ha Guwahati. Kani ka yaklam pynbait pood man ko hapyrdi ki ar ngut ki Montri Rangbah, u Conrad K Sangma wa u Himanta Biswa Sarma, heiwa da emlang leh kiwi ki Montri sorkar yong waroh ar jylla wa ki Chief Secretary.

Ki 6 tylli ki thaw wa dang sah yow pynbait hapyrdi kini ki ar jylla kynthup ya ka Langpih, Bordwar Nongwah-Mawtamur, Deshdemoria, Khanduli, Psiar, Block I wa Block II.

Hawa klam hadien ka yalang, u Montri Rangbah ka jylla Meghalaya, u Conrad Kongal Sangma da ong u wa kani toh i sdang yow pynbait sa ya kini ki 6 tylli ki thaw wa kajia ha khappood. Da ong u wa ka yalang da phah ya ki Regional Committee wow lai pynlum pynlang ki yei yutip wa bniah wei wow ap leh yei kwah ki paidbah wei wow phah ya ka bui (Report) cha ka sorkar kawa daw yachem biang ha u Naiynñiaw uni u snem.

Da ong u wa neiliang ki ar ngut ki Montri Rangbah daw lai ki leh cha kitu ki thaw wa ya kajia khamtam ha khappood yong ka West Karbi Anglong, Assam wa West Jaiñtia Hills, Meghalaya wei da pynrap u wa emkaam wow pynneh yei suk i saiñ ha khappood katwa dang lai i yaklam wow pynbait noh ya u pood u ang.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

U Conrad da ong chooh chooh u wa ki 6 tylli ki thaw ha khappood wa da yaklam ha ka kylla wa ar daw man ki kiwa chitom wow pynbait, tangwa da pynsñiaw u yei em kyrmen neibhah wa em i mon kamtæ ka luti daw wai ko yow pyndooh yei eh ha khappood.

Neiliang u Montri Rangbah ka Assam, u Dr. Himanta Biswa Sarma da ong u wa ha ka yalang da rai wa daw yachem biang ha u Naiynñiaw hadien wa da yoh ya ka Report na ki Regional Committee.

Da ong u wa ka Langpih, Khanduli, Block-I wa Block-II da man sakhiat ki ki bynta khappood wa eh bha wow pynbait, tangwa da pynsñiaw u wa daw ye hi u pynbait. Hawa kylli, neiliang u Himanta da ong u wa ka yalang ym em booh por ko hadooh mynnu u pyndep ya ini i kaam neidaw wym ye wow leh jhan.

Kam wow pynkynmoo wa ya ki 6 tylli ki thaw hapoh ka thup wa nyngkong wa ya kajia pood hapyrdi ka Meghalaya wa Assam da dep wow soi ya ka soskular namo ka Memorandum of Understanding (MoU) ha u Wisu yong u snem 2022. Kini ki thaw kynthup ki ya ka Hahim, Gizang, Tarabari, Boklapara, Khanapara-Pilingkata wa Ratacherra.