Jowai: Ka Synjuk Ki Dorbar Shnong, Shangpung ynnin ka sngi da yachem ki ya u symbood montri rangbah ka jylla, u Prestone Tynsong ha kamra krehkaam yong oo ha Main Secretariat Building, Shillong heiwa da ekti leh ya ka dorkhat cha uni u montri.
Ha kani ka dorkhat da dawa naka sorkar wow pynkrehkam noh ya ka rai (Notification) kawa da pynmih nadooh ka 20.12.2018 kawa yatoh wow kyrriah ya ka yung krehkaam ka PWD (Road) North Division, Jowai cha Shangpung.
Kani ka PWD (Road) North Division, Jowai toh kawa pait ya ki sarok waroh kiwa em hapoh ka Laskein C&RD Block donhi katwa kamtæ da pynchongnia bha leh wa ya kani ka yung krehkam u em noh ko ha Shangpung.
Ka Synjuk da ong ko leh wa deiwa rah ya ka cha Shangpung daw pynsuk ko ya ki paidbah ha kiwa booon ki liang wei ka chnong Jowai leh yow lait ko u khynnia wei wow pynjanai chooh chooh yei rukom kreh kani ka chnat.
Ka Synjuk da chim biang ko ya kani ka kabu sa chisien wow kyrpad joor ya ka sorkar u pynkrehkaam noh ko yeiwa da rai ko khlem pynslem de.
Neiliang ka Synjuk leh da ong ko wa daw booddien ko yeini i kaam khlem chong kli-kti khnang wow poi cha ka thong i jop.
Kani man ko katkam ka Wyrta na u LD Suiam uwa man leh u General Secretary ka Synjuk Ki Dorbar Shnong, Shangpung.
