Sdang khih khohreh ki seiñ wa ki kyrtong MDC wym yoo em laad de wa daw pynyinsur biang ya ka samoi krehkaam

Ki seiñ saiñpyrthai wa ki kyrtong kiwa pynkhreh wow yakhun ya ka Election MDC cha ki artylli ki Autonomous District Council (KHADC/JHADC) da sdang ki wow khih khohreh, wei ini i khih khohreh toh nei sma ya ka la’ær wym em de i pynyinsur ya ka samoi krehkaam yong ki MDC ka wow kut ha ka 5 tarik u Wisu (Mar), 2025.

Waroh chi kattu da em i leh kynjai yong kiwa boon ki seiñ saiñpyrthai wa ki kyrtong, neibhah wa em i pyrchang wow wanrah yei pynkylla ha ka 6^th Schedule yong ka riti synchaar.

Hawa pyrchang wow paan yumut na ki kattu kanti ngut kiwa yahkhmat ki seiñ saiñpyrthai, da khana ki wa da lum ya ka yalang yong ka Party yow kyntu kynrong yow sdang noh yei pynkhreh neibynta ka Election.

Ini i khih khohreh yong ki seiñ saiñpyrthai toh hadien wa da tip wa i pynkylla ya ka 6^th Schedule dang em hapyrdi i artatien wei ym em man ko kamwa da mutdur, ha u Kmaichonglad (Dec) uni u snem.

Related posts

Khlaad noh u Ma Albertson Bamon

November 4, 2024

U sdang biang ya ka PET kiwa yaleh kreh Civil Defence & Home Guards

November 4, 2024

Sa iwi won i daw toh wa da tip wa ka chnat Election ka jylla da lai ko chakhmat wow pynkhreh ya ka Electoral Roll neibynta ka Election MDC ha ka KHADC wa JHADC, wei da yoh khubor leh wa ka thup pyrtuid kiwa thap Vote toh kawa da biang wei ye u pynmih noh ha u Duiyatra (Jan) u snem 2025.

Kam wow kdaw heini wa ka samoi krehkaam yong ki MDC ha KHADC wa JHADC da toh u kut ko ha ka 05-03-24, tangwa neidaw wa pynbait thymme ya ki Constituency da ka Delimitation Committee, da hap wow pynyinsur ya ka samoi krehkaam ar sien heiwa nyngkong da 6 bnai wa sa 6 bnai ha ka sien wa ar iwa mut da man chi snem pura.