Jowai : Hadien wada mih i wa pyrchah næ i wym sñiawthooh ya ka NPR wa ka Aadhaar, neiliang ki bor ka District ynne ka sngi 17 tarik da sdang ki bru chemphang u lai cha ki chnong waphær hapoh Jowai wow e i batai weiwow pynsñiawthooh ya ki paidbah chaphang ini.
Ha kani ka sngi da wan e i batai da u Statistical Investigator Grade 1, na ka Directorate of Census Operation, Shillong heiwa da leh ya ka ppt presentation næ u e batai katkam ka juk katni lyngba ka Computer wa ki Projector.
Heiwa yoh u sakhi ya kawi na ini i wan pynche ha Yungwalieh ka Dulong da em du kattu katni heh kiwa wan neibhah wa boon kiwa lai kreh lai khih.
Kamtæ ka yalang pynche paidbah da lai bait ko heiwa daw pynap pynsñiaw cha ki paidbah hei yatoh weini da u Waheh Chnong wa kiwi ki khon ka chnong kam ki dkhot ka Executive Committee kiwa em ha kani ka sngi.
Hei yoh u yaklam wa kiwa em ha kani ka sngi da ong ki wa neiliang yong ki da sñiawthooh ki yei yaphær ka NPR wa ka Aadhaar wei da kam ki leh wa man ka Adhaar leh kawa miat bha.
Ynne ka 17 tarik da pynman leh ya kani ka Awareness Programme ha kylleiñ ka Jowai kam ha Lumpariat, Dongmihsni wei daw leh chooh ya kani ha ki sngi wa bood.
Discussion about this post