Sdang ki chipai ka Pakistan wow ieh noh yei kaam hadien wa boon wa yap ka kti ka BLA

Ki chipai ka Pakistan deilang kiwi ki bor ka aiñ da maad ki chiboon i chah thombor ha kini ki bnai wa dep khamtam ha ki thaaiñ Balochistan wa Khyber Pakhtunkhwa heiwa da em leh kiwa boon wa yap ha kti ka Balochistan Liberation Army (BLA), wei na ini i daw da em boon ki chipai ka Pakistan wa da ieh noh ki yei kaam yong ki.

Ki khubor wa da mih da ong ki wa da em 2,500 ngut ki chipai wa da mih noh ki napoh ka Pakistan Army du hapoh chi tayaaw.

Da ong leh wa ka Pakistan da duna poisa ko wei i khlan yap ki chipai da pynman ya ki wow yut ki wei lai thooh kreh ki kam cha Saudi Arabia, Qatar, Kuwait wa UAE neidaw wa biang i su.

Kam wow pynkynmoo wa ini wa dep, ka BLA da Hijack ko ya kawi ka rel ha Balochistan deiwa thooh ya ki chipai wa em hapoh ko wei sa iwi wa jia da chah tympdung Bomb ki kari chipai ha Noshki heiwa da em hadooh 90 ngut ki chipai wa yap.

Related posts

Phah u DC ya kiwa dai ya ki mar wa emkaam wow pynyoo ki deiwa che yei dor

August 3, 2026

Da ki borti wa ki musari e yarap ka DPTJHS cha kiwa chong chnong ka Iooksi Ksanmynsar

August 3, 2026

Kamtæ ki chipai ka Pakistan da jied ki wow lai kreh cha ki ri wa biang i su wei chngaaiñ i kreh.