Sdang ki kaam thang kari wa ki kawang Petrol Bomb

Nadooh wa mih i awri awra ha Ichamati, East Khasi Hills, i diñ da poor i cha kiwa boon ki bynta ka ri-loom Khasi pyn haka miet ka 28 tarik wa jia i kynad hapyrdi ki seiñnhalang wa ki baar jylla.

Katkam wa pyntip ki pulit, haka 28-02-20 heipor 11:30 i miet, kawi ka kari ka DPRO da chah thang ko ha Ladweitang, Nongstoin, West Khasi Hills. Haka jooh ka miet heipor 8:45 da em wa kawang moo yaka National Dairy wa em ha Motphran, heipor 9 waje i miet won da em i diñ wa kop iwa da ktah du kattu katni yaka MUDA Parking Lot, Ri-Bhoi.

Haka 29-02-20 won, kawi ka kari Swift Dzire Tourist Taxi wa em ya u number ML-05N-0224 wa kawi ka i20 wa em ya u number ML-05Q-5786 da chah thang ki ha Forest Colony Shillong. Haka jooh ka sngi heipor 12:39 i step synyaw, da em wa thang tyre wei da khang sarok da ki moo ha Lad Lumawbah. Heijooh i por da em won wa kawang Petrol Bomb ha i thaw wa em Printing Press kawa pynlai da u Rajesh Shah uwa na Quallapaty tangwa ym em chah ktah iyi iyi. Ha kani ka jooh ka sngi heipor 9:30 i miet da em wa kawang Petrol Bomb cha pchem yung ka Lakshmi Bareh wa em ha Pynthorbah Block-4, Shillong tangwa ym em wa mynsoo næ i chah ktah ka yung ka sem.

Haka 01-03-2020 heipor 12 hadooh 1:00 i pyrdi synyaw uwi u bru wa tip kam u Rajua Karim (31 snem) u wakreh waka Meghalaya Basin Development Agency da wanrah ya oo cha NEIGRIHMS hadien wa chah dat u ha ki bru wa ym tipmit ha Mawthabah, Mawsynram haka 29-02-20. Uni u bru toh uwa dang wan naka yalang pynsñiawthooh paidbah deilang wa kiwa kreh lang u wei da sah u ha Sawlad, Madanrting la 6 snem.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Haka 01-03-2020 heipor 3:15 i step, da yoh yutip naka Police Control Room, Nongpoh wa ki baar jylla ki wareh kam ki mistri kiwa sah ha Umtrew, Ri-Bhoi da yut ki na yung ki yow rieh chapoh khloo hadien wa yoo ki ya ki khynroo wa wan da ar tylli ki bus. Da yoh ki wow liwan biang khlem em iwon iwon i jia da pyntip u SP ka Ri-Bhoi District.

Ynne hi ka 01-03-20 heipor kamwa 5 waje i miet, ki pulit da yoh yutip ki wa em ki bru wa kawang moo ki ki kari kiwa lai lyngbah ka National Highway ha ki thaaiñ Puriang.