Ka 1st Division yong ka Saipung Block Sports Association (SBSA) kawa da sdang nadooh ka 8 tarik uni u bnai ha madan Lamyrsiang da poi ko chadooh ka Semi Final 1st Leg ynne ka sngi hapyrdi ka Latyrke SC pyrchah ya ka Mynthning SC heipor 11:00 waje i step iwa pynbood saka United Biate FC pyrchah ya ka Larket SC heipor 1:00 waje i sngi.
Ha ka yalehke hapyrdi ka Latyrke waka Mynthning ym em wa yoh u thap kool hadooh wa kut ka yalehke.
Ha ka yalehke hapyrdi ka United Biate FC waka Larket SC leh ye em wa yoh u thap kool.
Ya ka Semi Final 2nd Leg yong kini ki jooh daw pynman ha ka 16 tarik uni u bnai wei ha kani ka sngi daw tip kiwon ki Club wow yoh u psiah cha ka Final wei kamjooh leh yow tip kiwon wow man kam ki liang wa thymme wa yoh u psiah cha ka Super League ha u snem wow wan.
Ha kani ka 1st Division da wan chimbynta 10 tylli ki Club, 2 tylli ki Club wa poi Final daw yoh ki u psiah cha ka Super League ha u snem wow wan, katwa 2 tylli ki Club wa duna Point daw chah pynhiar ki cha ka 2nd Division ha u snem wow wan.
