Ka seiñ kiwa kamai kari na Assam wa kyntup nadooh ki kari Tourist, ki Bus deilang ki Truck kit mar wa kiwa kit phniag hapoh ka lama ka Motor Praivan Sewakarmi Sanmilita Mancha da sdang ki ya ka yakhih Total Non-Cooperation nadooh 5 waje ynne i step ka 18 tarik heiwa da mih da ki hajar ngut ki dkhot wow ksoh ya ki kari ha Jorabat kam chibynta wow jubab yeiwa chah khang ki kari wa kit Tourist cha Meghalaya.
Ki kari kiwa chah ksoh toh ki kari wa em Number Meghalaya yow psiah ki cha Assam.
Da yoo leh ya ki bru wa hap wow hiar yow lai dei kjat wei da wan leh ki pulit kiwa da pyrchang wow pynlait ya ki kari wa chah ksoh.
Katkam ka khubor wa da yoh, da chah wow lai du ki kari wa kit bru wa kjut wa ki kari sorkar.
Kani ka yakhih toh kawa da khlem booh por.
Discussion about this post