Ka Dorbar Chnong Ialong ynnin ka 25 tarik da pyntip paidbah ko deiwa booh da ka Signboard wa da krehkaam pura ka “Fernando Home Care and Support Centre” MSMHC De Addiction for Females Centre for HIV/AIDS (ICTC) kawa em ha Dongka Lwet, Ialong West Jaiñtia Hills.
Kani ka Support Centre toh kawa da sdang krehkaam nadooh u snem 2021 tangwa neidaw wym biang ka thaw sah thaw sumaar, neiliang ki Sister wa pynlai ya kani ka thaw da lai syllok wei da lai e yarap ki cha yung ki bru kiwa chah kdoh chah khoom ha ki jait dih pynmuaid wa boon jait.
Kani ka Home Care man ko kyrpang du neibynta ki kynthai donhi kiwa da kyrni wei da chah kdoh chah khoom hei dih duma, sikret, kiad, drugs kamjooh kiwa em ya u khñiang HIV wa kiwa kjut AIDS.
I thaw wa em kani ka Fernando Home Care and Support Centre toh mar pyrchah wa ka yung krehkaam ka Ialong Toll Plaza sa kamwa 50 meter i jngai.
Deiwa yoh ya kani ka yung wa pura katni, da em kamwa 8-9 ngut kiwa thiah chah sumaar ha kani ka De Addiction Centre, kamtæ ka Dorbar Chnong Ialong da kyntu ko ya ki paidbah najan wa na jngai kiwa emkaam yarap heiyatoh wa ki chitom na ka ki jait dih lane kiwa emkaam yarap heiyatoh wa u HIV/AIDS wa ye phi wow wan yow yoh yarap na ki bru wa pait ya kani ka Fernando Home Care and Support Centre.
