Jowai: Ka 4th All Jaiñtia Open Boxing Championship 2019 kawa da sdang ha ka 8 tarik uni u bnai ha Kiang Nangbah Indoor Sports Hall, Jowai kawa da pynman da ka West Jaiñtia Boxing Association (WJBA) dei yakrehlang waka yungkrehkaam u District Sports Officer, West Jaiñtia Hills, Jowai da poi ko cha wa kut ha ka janmiet ka 9 tarik.
Ha kani ka lympung yakura, da em kamwa 50 ngut ki chynrang wa kynthai na ka East wa ka West Jaiñtia Hills District kiwa da chimbynta.
Na pyrdi ki chynrang, kiwa da jop ha ki yukhia waphær waphær man ki kamni næ:
26-28 KG: Damonmitre Dhar (Gold), Dabetmiki Dhar (Silver)
38-41 KG: Becareful Sumer (Gold), Ferdinand Dkhar (Silver)
46-49 KG: Wametrae Dkhar (Gold), Dulang Dhar (Silver), G. Joachim Dkhar (Bronze), Seibor Shadap (Bronze).
49-52 KG: Michael Langstang (Gold), Sunshine Rymbai (Silver), Ram Lyngdoh (Bronze), Wandame Khonglah (Bronze)
52-56 KG: Bahlung Papeng (Gold), Pynioladmi Pala (Silver), Mewan Phawa (Bronze), Kordor S. Manner (Bronze)
56-60 KG: Winner Talang (Gold), Rimi-I Bareh (Silver), Shandametre Pajuh (Bronze), Ioannis Langstang (Bronze)
60-64 KG: Badonkupar Synnah (Gold), Bhakupar Sungoh (Silver), Baiamutlang Sungoh (Bronze), Bhalang Shadap (Bronze).
Neiliang ki kynthai won kiwa jop toh kini:
36-40 KG: Elisha Talang (Gold), Dakahipaia Lyngdoh (Silver)
52-56 KG: Basiadiamki Talang (Gold), Tredisha Lamare (Silver), Rebeka Tang (Bronze).
Ya i naam Most Promising Boxer napyrdi ki kynthai da yoh da ka Elisha Talang katwa neiliang ki chynrang da yoh da u Wametre Dkhar.
Yei naam Best Boxer neiliang ki kynthai da yoh da ka Basiadiamki Talang wa u Winner Talang won neiliang ki chynrang.
Ya ki takma wa ki khusnam da saam da u Niwasly Rymbai, u Tremi Sutnga, u Shaphrang Pajuh, u Derick Phawa, u Hubert wa u Edward Langwar uwa man leh u President ka WJBA.
Ka WJBA e khublei kyrpang ko ya ka Office ka DSO, DMHO wa ka DIPR yong ka WJH district wa ya waroh kiwa da ya kyrchanlang u pynman ya kani ka lympung yakura kawa jop.
Discussion about this post