Hadien wa kiwa kitkaam ka seiñ Jaiñtia Hills Truck Owners Association (JHTOA) da yachem ki wa ki tre karkhana pynmih khyndaw-bilat ynne ka sngi hajrong ki mat dawa yong ka seiñ, da sdang mih soh i yaklam wow pynkrehkaam ya i dor thymme hajrong ka bai kit ya ki mar katkam wa da booh ka sorkar.
Hajrong ini neiliang u President ka JHTOA, u Nidamon Chullet da ong u wa hadien ka yalang ynne ka sngi neiliang ka seiñ da khut pynman ko ya ka yalang bah ha ka 11 tarik uni u bnai heipor 12:00 i sngi ha 7Mer (hajan Tollgate).
Kamtæ ka JHTOA da khut ko ya waroh ki tre truck wow wan khnang cha kani ka yalang khlem pep khnang wow ye u pynbait namo u chna ya i rukom krehkaam (System) ha iwon i dur wow yoh u psiah næ mih wei wow pynlai pynwan ya ki kari ki tre ri-loom (Local) khlem chah ksoh slem kamwa jooh man ha ki por nachwa.
