Jowai: Ka “Beyond Books” kawa man kam chibynta i pyrchang u SP ka West Jaiñtia Hills wow yarap ya ki khynroo khyllood kiwa yaleh kreh yow man ki kiwa da pynkhreh da sdang ya ka ynne ka sngi ha yungkrehkaam u SP ha Jowai.
Ha kani ka sngi nyngkong da wan 17 ngut ki khynroo khyllood wow ap yei batai kiwa da e ki bru chemphang kam u Richard Uriah, Principal North Liberty, u Rashikesevan, Memory trainer, Hayagreeva Academy, u Paia Nongpluh, Paia Automobiles, WPSI ka I. Kharpran wa u SP u R. Muthu.
Kiwa klam da batai ki chaphang wow pynkhreh ya ki exam wa boon yong ka sorkar kamjooh leh wa kammon wow seiñ khih samen.
Ha kani ka sngi leh da e buit wa kammon wow klam wow jubab ha ki Personal Interview.
Ya kani ka Beyond Books daw pteiñ ya ka man ka Sngi Chohthat nadooh i por 10-11 waje i step ha yungkrehkaam u SP heiwa daw e sikai leh ya ki subject kam ka Mathematics, Science, General Studies wa kiwi kiwi.
Also Read: Kiwa slah mylliñ daw ye ki u pynkhlan yei bor kynmoo yong ki kattu
Discussion about this post