I thong ka sorkar wow pynkhai im biang ya ki jait khla wa tip kam ki Cheetah da sdang i wow mih soh mih sla deiwa kha khon ka Cheetah kawa da pyrtuid Aasha le tylli kawa em ha Kuno National Park hapoh ka jylla Madhya Pradesh iwa da pynbna da u Montri sorkar pyrdi ynnin ka sngi.
Kam wow pynkynmoo wa ka sorkar India dei thmu wow pynim biang ya ki Cheetah kiwa da dooh jait noh hapoh ka ri, da wanrah ko nyngkong 8 tylli ki Cheetah kiwa na ri Namibia haka 17-09-22 wei hadien ini won da wanrah ko 12 tylli na South Africa ha ka 18-02-23 kiwa dapoi waroh 20 tylli wei da pynlait ya ki hapoh ka Kuna National Park.
Tangwa na kini ha u snem 2023 da yap ki 5 tylli na ki daw wa boon neitæ won 3 tylli kiwa dang kha hapoh ka ri kiwa da jan dap ar bnai kiwa da yap noh haka 23-05-23 neidaw wa joor i chit hapoh kani ka National Park.
Kini ki 3 tylli kiwa dang kha toh kiwa da kha da ka Cheetah wa wanrah na Namibia hi.
Ha Kuno National Park kattu wa kini ki le tylli ki khon Cheetah, da em 18 tylli ki Cheetah wei neiliang u Montri ka sorkar pyrdi u Dr. Mansukh Mandya da ong u wa man i por wa kyrpang hei wow pynneh ya ki mrad khloo heiwa ka Cheetah Aasha da kha ko ya le tylli ki khon ha Kuno National Park.
Discussion about this post