Ka yingkieñ naar næ Bailey Bridge wa da chna ha Draw Ksuid kawa em ha sarok Shillong Bypass, du hapoh chibnai wa da chah wow lai ki kari da sdang piah wot ko.
Ya kani ka yingkieñ da wai ha ka 25 Wisu da u Symbood Montri Rangbah ka jylla, hadien wa da sdang sih ka yingkieñ kawa da em chwa ha Dwar Ksuid.
Ya kani ka yingkieñ naar da pynkreh da ka Border Roads Organisation wa ka M/S Shillong Expressway Limited, tangwa i sdang piah kani ka yingkieñ ymye u pynbaad ya i rukom kreh neibhah wa em da ki spah tylli ki truck kiwa kit khia kiwa lai na kani ka yingkieñ man-ka-sngi nadooh wa wai ya ka.
Hajrong ini i sdang piah ka yingkieñ, neiliang ka Deputy Commissioner ka Ri Bhoi District da pynmih hukum ko wow khang chwa wow lai kari na kani ka yingkieñ lait noh du ki kari kiwa kit hapoh 10 Metric Ton kiwa ye wow lai na ka yingkieñ warim kawa em harood kani ka yingkieñ naar wa thymme.
