Ka East Jaiñtia National Council (EJNC) ynne ka sngi hapoh i yahkhmat u Sambormi Lyngdoh, President wa u Nangjan Dkhar, General Secretary da hiar ki cha ka chnong Sonapur wow pait yei piah, i kaad ka yingkieñ Sonapur.
Hawa lai pait ka seiñ, da sakhi yei piah wei sih katai ka yingkieñ iwa da booh hei maa wa khroo ya kiwa lai wa wan lyngba katai ka yingkieñ. I boon yong ki Truck, ki Dumper kiwa da kit palat pood (Overloading) kiwa lai lyngba katai ka yingkieñ iwa da booh hei maa chooh chooh ya katai ka yingkieñ.
Hajrong kani ka yurim ka EJNC da kyntu ko ya u Deputy Chief Minister uwa man leh u Montri ka chnat PWD, u Prestone Tyngsong wow pynsangeh chwa yei lai yong ki Truck, ki Dumper kiwa kit palat yaka 9 lane 12 Ton lyngba katai ka yingkieñ katwa ka NHAI ym pu dep ko wow pynchna yei sih yong katai ka yingkieñ khnang wow lait na iwon iwon i jia wa sñiawsih.
