Jowai: Ha kini ki 4-5 sngi da em ka chithi wa kam wa thoh wei da soi da u Sheo Nath Singh, Under Secretary to the Government of India, wa ka sorkar pyrdi da pyrkhat ko wow emkaam noh u pynyabi (linking) ya ki thaw ki bhaw ki paidbah (hadooh ki lyngkha) wa nadooh u snem 1950 wa u Aadhaar Card.
Ya kani ka chithi da thoh cha waroh ki jylla ha ka 15 tarik uni u bnai heiwa da phah leh ya waroh wow leh pynsiah computer (Digitization) ya waroh ki kot ki sla ki tre hei yatoh waka dai ka thied thaw yow link wa u Aadhaar Card wei ki wym leh yeini daw kheiñ wa i thaw ymtoh de i yong ki wei daw chim noh ya kini ki thaw katkam ka Benami Transaction (Prohibitions) Amended Act, 2016. Ha kani ka chiti da paan leh ya ki yumut (suggestion) na waroh ki jylla hei yatoh wa ini i thmu ka sorkar.
Ya kani ka chithi da saam ki bru lyngba ka WhatsApp wa kiwi kiwi de ki social media wei boon leh da pyrchah ki ya ini.
Ynne ka sngi won u Frank Noronha, Principal Spokesperson ka sorkar India uwa man leh u Principal Director General of Press Information Bureau da ong wa kani ka chithi toh ka chithi thok we da dep ujor ki leh wa ki pulit hei yatoh wa ini.
Discussion about this post