Ka Anti Influx Operation Cell yong ka HANM East Khasi Hills hapoh i yahkhmat u L. Syiem, President wa u Bawan Nongsiej, Secretary ynnin ka sngi ha Shillong da pynkrehkaam ki da ka yong ki hi ka ILP wow yada ya ka jaitbru nei wan psiah kiwa poiwiar.
Ka seiñ da ong ko leh wa ini da man i kam i dak neibhah wa kiwa na baar da wan ki wow knieh lut ya i yoh kaam yoh jam wa ka kamai kajih yong ki tre ri, tre chnong wei i pynslem yong ka sorkar India wow pynkrehkaam ya ka ILP hadien wa 60 ngut ki MLA da dep ki wow mynjur ya ka rai (Resolution) wow pynkrehkaam noh ya ka ILP ha Meghalaya.
U L. Syiem, President yong ka HANM East Khasi Hills District, da ong u wa ka seiñ daw leh ko ya iwa emkaam ya ki baar jylla kiwa wan cha ka ri u Ynñiawtrep khlem da pynbiang ki kot ki sla wei ha ini i sdang da yoh wow beh ya 15 ngut ki wym biang ki kot ki sla deiwa lai kynreh ha ki thaaiñ ka New Shillong.
