Sdang rman ki Party ka jylla wow randien noh na ka satri ka BJP

Shillong: Ynne ka sngi hadien wa kut ka yalang yong ka North East Political Parties Convention hajrong ka CAB kawa da man ha Guwahati, hawa yaklam wa u President ka UDP, u Dr. Donkupar Roy hajrong ka NEDA, kawa man ka satri wa kynthup ya ki seiñ saiñ pyrthai ka thaaiñ mihsngi wa yahkhmat da ka BJP, da ong u wa ki seiñ ym em yaklam ki hajrong wow mih noh na kani ka satri tangwa lada emkaam wow randien na ka (NEDA) waroh ki seiñ toh u rai lang ki.

Neiliang ka PDF kawa ym em bynta hapoh ka NEDA da pynsñiaw ko yei pyrchah ya kani ka Bill kamwa da rai nadooh wa sdang. Neiliang u Banteidor Lyngdoh da ong u wa ka party ym yahaap ko ya ki phang krehkaam ka NEDA deiwa pynrap wa lada poi i por wa ini i pyrchah ym krehkaam i, ka NPP da toh u chim ko ya ka rai wa khor.

Katwa u MLA samen na Meghalaya, u Lambor Malngiang da ong u wa ka ha i yaklam da man i neibynta ka jaitbru ka thaaiñ donhi.

U Lambor da ong u wa kani man ko ka sien wa nyngkong, wei lada ka sorkar pyrdi ym ap ko ya ka NPP, neiliang ka NPP toh u pyntkut noh ko ya ini i yatohlok wa ka BJP wei wow pyndam noh yei yakrehlang hapoh ka NEDA.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hajrong i wym em poi ki MLA ka BJP na Meghalaya ha ka yalang, neiliang u Vice President ka HSPDP, u Witting Mawsor da ong u wa ye u em ki daw wei i randien wow krehlang wa ka BJP na ka sorkar MDA chong i ha i stat yong u Montri Rangbah ka jylla.