Ka sorkar Manipur ynnin ka sngi da pyntip ko cha ka High Court ka Manipur wa da sdang biang wow pynkrehkaam ya 41 tylli ki Mobile Tower wei da chah leh wow pynemkaam ya ki Mobile Data yow yoh Internet ha ki District ka Senapati, Ukhrul, Tamenglong wa Noney donhi.
Ka Division Bench ka Manipur High Court wa yahkhmat da u Chief Justice Shiddarth Mridul da phah ko ya ka sorkar wow pynkrehkaam ya ki Mobile Tower deiwa pyrchang chwa ha ki District Headquarter ki wym em i ya kynaad.
Ka High Court da phah ko wow leh yeini hadien wa pteiñ wow khang ya ka Mobile Internet hadooh ka 8 tarik uni u bnai.
Da pyntip leh cha ka yung bichaar wa u Director General of Police ym em pyrchah u yei wai leh ya ka Internet ha ki District Headquarter ka Chandel, Jiribam wa Kamjong.
Lait noh ki kattu katni sngi ha u Naikhynde heiwa da wai ya ka Internet tangwa da khang biang hadien wa mih biang i kynaad, kamwa man kattæ ka Internet da khang nadooh ka 03-05-23 hadien wa sdang ki mynsoo mynsnaam.
Nadooh wa khang ya ka Internet da em boon tylli ki mukotduma PIL kiwa da yaleh haka High Court ka Manipur.
Kamtæ ka High Court da e ko ya ka hukum wow wai noh ya ka Internet ha kitu ki thaw wym em chah ktah nei kynaad.
Discussion about this post