Hadien wa ka sorkar da chah ko nadooh kani ka 23 tarik wow wai noh ya ki thaw lai ke, ki thaw lai chong pynngad ki bru namo ki Public Park du neibynta kitu kiwa da dep yoh tika, neiliang ki bor sorkar da yaleh ki wow booddien ya ini yow pyntikna wa da bood ya ki kyndon wa da booh.
Ha Shillong ynnin ka sngi da wai ya ka Nan Palok namo ka Wards Lake cha kitu kiwa da dep yoh tika heiwa ki bru u DFO, Social Forestry Division, East Khasi Hills da lai ki yow pait yei rukom wai ya kani ka thaw wa ka-it bha ki bru wow lai ke, chong ke.
Ha i thaw psiah, da thaw yei chit, da chim yei pyrtuid wa i Phone Number kiwa wan ke deiwa pyntikna leh toh kiwa da dep yoh tika chwa wow yoh ki u psiah cha ini i thaw.
Kiwa yoh u psiah da pyntikna wa da chong yajngai uwi na uwi deiwa booh da ki bru wow sonteri ya ini waroh.
Neiliang ka DC da kyrpaad ko ya waroh wow chim ki ya waroh arsien i tika khlem da pynslem deiwa pynkynmoo wa lada smat wow chim yei tika daw yoh smat yei yada kam ka chnong waroh kawi. Da ong leh deiwa chim yei tika daw man ko kam i yada ya kitu kiwa em hapoh 18 snem ki wym pu em yoh yei tika yow yoh biang ki wow lai skur, u yalehke kamwa jooh khlem em de i tieñ ya u khñiang.
