Sdang yarap ka India ya kiwi ki ri wow yakhun pyrchah ya u Coronavirus: Dr. Harsh Vardhan

U montri ka chnat Health & Family Welfare ka sorkar India, u Dr. Harsh Vardhan ynne da ong u wa ka sorkar India da sdang e yarap ko ya kiwi ki ri heiyatoh wow yakhun pyrchah ya u khñiang Coronavirus ya uwa da tip leh kam u nConV uwa da sdang poor na China.

Yeini u Dr. Harsh da ong u ha ka yung dorbar chna aiñ ka ri, ka Lok Sabha ynne ka sngi.

Da pyntip u wa neiliang ka Indian Council for Medical Research namo ka ICMR da tyrwa yarap ko wow test ya ki sample wa wanrah na ki ri wa em hajan ka India (South East Asian Region).

Neiliang yong oo da ong u wa da wanrah ya ki sample na ri Maldives wa suba wa em ya uni u khñiang wow test ya ki hapoh ka ri (India).

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da pyntip u hapoh ka yung dorbar wa neiliang ka Afghanistan da kyrpaad ko wow phah ya ki sample cha India wow leh test wei neiliang ka ri (India) leh da pdiang ko yeini.

Da pyntip u leh wa ka ri Bhutan da paan yarap ko leh wow yakhun pyrchah ya uni u khñiang wei wow sylli ya kiwa wan chapoh ka ri.