Hadien wa i diñ wa da kop ha ki khoo ka Australia nadooh u Naikhynde u snem uwa dadep da baam i yakiwa boon ki khloo ha kani ka ri iwa da wanrah ya kiwa boon ki bru tympleh diñ na kylleiñ ka pyrthai wow lai yarap ki wow tympleh ya ini i diñ iwa da kop bait hadooh ynne ka sngi.
Nadooh ynnin ka sngi Thohdieñ kiwa yaleh pyrchah ya i diñ ha kini ki khloo da yoh yarap ki na u slap uwa da hiar hadooh ynne ka sngi.
Ka New South Wales Rural Fire Service da ong ko wa u slap da hiar u kattu la 24 kynta iwa man ka khubor wa miat wei da yooluti ko wa daw pteiñ u wot hadooh kini ki sngi wow wan.
Da ong ko wa kamwa 82 tylli ki khloo dang kop ki wei ha ki 30 tylli won dang man ki iwa joor khamtam ha Victoria State.
Nadooh u Naikhynde kini ki diñ da chim ki hadooh 29 tylli ki mynsien bru wei da chah baam lut leh da ki hajar tylli ki yung ha i thaw wa heh kat ka jylla Bihar wei da antaad wa da yap palat 1 billion ki mrad ha ini i iñ.
U Deputy Commissioner ka Rural Fire Service, u Rob Rogers da ong u wa u slap hanlada ym tympleh u ya i diñ tangwa daw pynsuki u yei poor i diñ wei ini daw e mynsien i ya ki wow yakhun pyrchah ya ini i iñ khloo.
Da ong leh wa i ktieh ki sarok na u slap daw pynthut i leh ya i lai i wan ki kari tympleh diñ neibhah wa haap pynemkaam ki ya kini ki sarok.
Discussion about this post