Ki kynthai ka Tamil Nadu Table Tennis Association (TNTTA), wa kawi na ki ar tylli ki liang wa napoh kani ka jylla da pynrem ki ya ka Haryana ha ka Pre-Quarterfinals, iwa da man i jop wa khlem yooluti ha ka sngi wa ar ka 83rd Senior National and Inter-State Table Tennis Championships wa pynman ha SAI Indoor Stadium ynne ha Shillong.
Tangwa kiwa yalehke ka Meghalaya ym ye wow poi cha ka Knockout Stage ha ki yalehke ki chynrang wa kynthai. Wei du ka Assam waka Mizoram kiwa da ye u poi cha ka Second Round wei du ha ki yalehke ki chynrang donhi.
Kiwa yalehke ka TNTTA da jop ki ya ka Haryana da 3-0. Ka Yashini Sivashankar da jop ko ya ka Riti Shankar. Ka Vidya Narasimhan da jop ko ya ka Suhana Saini katwa ka Vedhalakshmi Karthikeyan da jop ko ya ka Sanya Sehgal.
Ka TTTA da jop ko ya ka Gujarat da 3-1. Ka Selenadeepthi Selvakumar da jop ko ya ka Kausha Bhairapure waka Chipia Frenaz. Ka Nithyashree Mani da jop ko ya ka Fatema Kadri.
Hapyrdi ka Uttar Pradesh waka Telangana da jop ka Uttar Pradesh da 3-1.
Ka PSPB da jop ko ya ka Kerala da 3-0, ka Delhi da jop ko ya ka Maharashtra B da 3-0, ka Maharashtra A da jop ko ya ka Bengal B da 3-0 katwa ka Telangana dajop ko ya ka Karnataka da 3-0.
