Senior Women’s T20 Trophy: Jop ka Meghalaya ya ka Nagaland

Ka Meghalaya da jop suk ko ha ka Senior Women’s T20 Trophy ynne da 9 Wicket ya ka Nagaland ha Bengaluru.

Ka Meghalaya da jop ko ya ka kylla-khlem heiwa da phah Bat ko ya ka Nagaland kawa da kamai 112/5, heiwa ka Ajima Sangma da pynhaap ko 3 Wicket (3/34). Ka Rubi Chettri won da yoh ko chi Wicket na ki 3 Over deiwa e 3 Run donhi katwa ka Debasmita Dutta da yoh ko 1/19.

Hawa Bat won, ka Guest Player Sejal Raut deilang waka Dutta da wai ki yei kamai deiwa yohlang 74 Run chwa u haap ka Dutta kawa da kamai 29 Run na ki 27 bol wa kynthup ya ki soo tylli ki 4 Run.

Related posts

Rah ka Kemidon FC ya ka Pdengshakap Football Knock-out Tournament 2025-26 deilang ka song poisa wa Rs. 3.50 lak

April 5, 2026

Ka Meghalaya State League ha uni u snem u man ko kawa heh dooh

April 5, 2026

Ka Raut da pteiñ ko hadooh wa hiar u slap heiwa da pynkylla noh ya ka thong heipor wa yoh ka Meghalaya 82/1, iwa da tam ya ka thong thymme kawa 79 Run, kamtæ da pynbna ya ki kam kiwa jop. Ka Raut da yoh ko 49 Run na ki 37 bol wa kynthup ya san tylli ki 4 Run.

Ka Meghalaya kattu daw yachem ko waka Mizoram ha kani ka 20 tarik.