Jowai : Ka ‘Free Career Training & Career Counselling Programme’ kawa da pynman ha pynar ki distrik ka Jaintia Hills hapoh ka Chief Minister Career Guidance Scheme da man ko kawa sepai ha East Jainitia Hills neidaw wym em nongsikai kattu la chi bnai. U Haran Syrti u wi na ki wa wan cha kani ka esikai da pyntip u yei sñiaw diaw mynsien ki khynnah ki wa wan man ka sngi dei yooluti wa daw em nongsikai tangwa hap liwan ki man ka sngi cha yung khlem yoh myntoi na kani ka skhim.
Ha kani ka esikai mynkna ki khynnah wa wan cha khmat da kular ya ki wa daw yoh ki yei sikai yow pynkhreh ki u yaleh ïa ki Staff Selection Commission (SSC), District Selection Committee (DSC), Ki Clerical Examinations ka sorkar jylla/ka sorkar pyrdi, ki Bank wa ki Insurance Sector.
Hei yatoh wa ini ka seiñ AJYWO da kyntu ko ya ki bor District wow chimkhia ki ya ini i ym em wan tista ki nongsikai cha kani ka esikai ka wa pynsepai yei por yong kiwa em i thrang u yoh i tip i stad yow man ki kiwa jop ha ki eksamin yoh kreh yoh kaam.
Hapoh ka distrik West Jaintia Hills katkam wa man kani ka esikai man ko kawa lai beit wei chi batch em kiwa da pyndep ya kani ka esikai kawa pynlai da ka Society for Urban & Rural Empowerment (SURE) wei kattæ dang em sa kawi kawa dang lai cha khmat ha Thomas Jones Synod College wa pynlai da ka North Eastern Career Academy.
Discussion about this post