Jowai: Ynnin i miet yong ka 8 tarik heipor kamwa 9:30 -9:45 da em ki damok ar ngut ki wym tipmit kiwa da psiah cha pchem ka yungkrehkaam u DC ka West Jaiñtia deiwa thmu wow thang ya kawi ka kari sorkar wa em heini.
Katkam ka yutip wa yoh, kini ki damok da theh petrol ki ya kani ka kari Bolero kawa da pynyieñ haphrang ka Treasury Office, hadien ini da yoo uwa yang (Chowkidar) ya ki wei da yut wot ki bak na ini i thaw hadien wa yoo ki ya oo wei khlem yoh u thang ya ka kari.
Kani ka kari toh yong ka tnat Basin Unit ka WJH wei katni da pynemkaam ka Election Office hei wow lai pynpsiah pyrtuid thymme ya kiwa thap vote.
Neiliang ki pulit da wan ki ha kani ka thaw wow pynman ya i takit wei da chem ya u klong wa da pynemkaam wow theh ya i petrol ha kani ka kari.
Ympu em u chah kem uwon uwon u bru hei yatoh wa ini.
Discussion about this post