Sepai ka yalang ka sorkar wa ki seiñbhalang; dawa pyndam noh ya ka tamasa

Ynne ka sngi kai heh sorkar yong ka West Jaiñtia Hills da khut yalang ki ya ki seiñbhalang ka ri-loom Jaiñtia wow yaklam sñiawthooh heiyatoh wow pynman ya ka tamasa Meghalayan Age, ha Thadlaskein, Lad Mukhla, West Jaiñtia Hills.

Ya kani ka yalang da khut pynman ha Conference Room ka yung krehkaam u Deputy Commissioner ka District wei da khut ya ka hajrong i pyrchah ki seiñbhalang ya kani ka tamasa kam kawi na ki laad wow yada nei poor u khñiang COVID-19.

Ha ka yalang da em ki heh ka District kam ka ADC ka District ka R. Manner, u SP ka District, u Lakador Syiem, u Director ka chnat Tourism, u CVD Diengdoh wa kiwi kiwi.

Neiliang won ki seiñbhalang da em ka JSU, JYF, JSM, HYC, HANM, MPUF wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien ka yalang neiliang u PS Phawa na ka JSM da ong u wa ka seiñ pyrchah joor ko ya kani ka Conference ha kani ka thaw kawa da thmu wow pynman hadien wa da pynsangeh noh ka sorkar ya kani ka tamasa.

Neiliang u General Secretary ka HYC-JHD, u R. Lamare da ong u wa ka seiñ da dawa ko na ki bor District wa ka sorkar jylla wow pyndam noh ya kani kani tamasa neibhah wa ka chnat i chait i khiah hadooh katni ymye ko u e kawon kawon ka rai hajrong i yada wa pura na u khñiang COVID-19 ya ki paidbah ka ri-loom Jaiñtia.

Neiliang u President ka JSU u Lawyerson War da ong u wa lada ka sorkar pynman bait ko ya kani ka Conference wei lada jia iwon iwon iwa sñiawsih ka sorkar toh u bahkhlieh ko hajrong itæ. Da kylli u leh, iyi wa kor, ka Conference namo i chait i khiah?