Ka Mawlai SC da jop ko ya ka Rangdajied United FC da 1-0 ha ka yalehke ka Shillong Premier League 2021-22 kawa da pynman ynne ka sngi ha Third Ground, Polo, Shillong.
Ya ka kool wa pynjop da thap da u Donlad Diengdoh ha ka minit wa 22 yow pyntikna wa ka Mawlai dang man hi ko kam kawa boon Point dooh deiwa jop 6 sien wei da ya dron chisien wei khlem da chah thap kool chisien leh. Ya ka Rangdajied da ini da man ko i rem wa ar deiwa yoh wa le deiwa em 11 Point.
Ka yalehke wa daw pynman mynstep toh hapyrdi ka Nangkiew Irat SC (8 Point) waka Ryntih SC (10 point) heipor 4:00 waje noh chariñ ka sngi.
