Ka Mawlai SC da lehkmen ko yei jop ya ka Shillong Premier League 2021-22 deiwa jop da 2-1 ya ka Ryntih SC ha ka yalehke wa 48 kani ka lympung hanla ynnin da rah chwa yei naam jop hadien wym wa jop hapyrdi ka Langsning FC waka Rangdajied United FC.
Ynne da sdang ka yalehke deiwa thap kool chwa ka Ryntih lyngba u Ebormi Buam ha ka minit wa 4 tangwa da su kylliang ka Mawlai da ka Penalty wa thap da u Brolington Warlarpih ha ka minit wa 32 wei hadien ini da wan u slap wa joor hadooh wa da chitom ka yalehke.
Hanla kattæ leh, u Robert Khongriah da e u yei jop ya ka Mawlai ha ka minit wa 75.
Ka yalehke wa bood u pynman ha ka 14 tarik hapyrdi ka Nangkiew Irat SC (16 Point) waka Malki SC (7 Point). Hawa yachem khaddooh kini ha ka 19 tarik u Naiynñiaw da jop ka Nangkiew da 3-1.
