Ka Sawmer SC da sdang ko ya ka Shillong Premier League 2024 deiwa jop da 3-2 ya ka Nangkiew Irat SC ha ka yalehke wa da pynman ha SSA Stadium ha First Ground, Polo ynne.
Ka Sawmer da tam ko da 3-0 hadooh ka minit wa 56 tangwa ka Nangkiew Irat won da ye ko wow thap ar kool chwa wow kut ka yalehke.
Ka Nangkiew Irat da chah thap nyngkong ko ha u Diego Khyriem ha ka minit wa 6 kawa da neh hadooh wa kut ka kylla step.
Ha ka kylla miet, u Hilford Lyngkhei da thap u ha ka minit wa 49 wei da pynbood sa u Orestar Sad ha ka minit wa 56.
U Isak Vanlalpeka ha ka minit wa 70 da thap u ya ka kool wa nyngkong ka Nangkiew Irat wei da pynbood sa u Wanpynshngain Nongsteng ha ka minit wa 78.
Ka yalehke wa nyngkong da toh u pynman hapyrdi ka Laitkor SC wa Nongrim Hills SC tangwa ka Nongrim Hills da jop ko dei Walkover hadien wa ka Laitkor ym ye ko wow pyndep ya ka Player Registration iwa da toh u leh lyngba ka Central Registration System (CRS) chwa u sdang ka yalehke katkam wa da booh da ka All India Football Federation.
Ka Shillong Sports Association da rai ko wow pynkrehkaam da ka CRS ha uni u snem neibynta kiwa yalehke wei da pyntip cha ki Club waphær waphær da ki bnai chwa wei da pynyoo leh kammon wow leh yeini.
Kamtæ da pynjop ya ka Nongrim Hills da 3-0 katkam ki kyndon.
Ki yalehke mynstep u man ko hapyrdi ka Nongthymmai SC wa Ryntih FC heior 11:50 i step wei daw pynbood da ka Langsning FC waka Shillong Lajong FC heipor 2:45 i sngi.
Discussion about this post