Ki yalehke ka Shillong Premier League 2021-22 da pteiñ ynne da ka yalehke hapyrdi ka Mawlai SC waka Shillong Lajong FC tangwa da hap wow ieh noh khlem pyndep ha ka minit wa 60 neidaw wa neh um ka madan Third Ground, Polo Shillong hadien wa joor u slap.
Hadooh wa pyndam ya ka yalehke, ka Mawlai da tam ko da 1-0.
Ya ka kool ka Mawlai da thap da u Donborlang Nongkynrih haka minit wa 30.
Ka Mawlai da lehbha ko ynne deiwa yoh leh wow ksoh chiboon ka bol heiwa ka kylla step da neh ka bol cha ka chiteiñ madan ka Lajong.
Katkam ki kyndon ka SPL, i por wa dang sah iwa 30 minit daw pynman biang ha kawi won ka tarik wa daw pynbait da ka Shillong Sports Association.
Ka Mawlai da jop ko chisien katwa ka Lajong da rem ko chisien.
Ka yalehke mynstep u man ko hapyrdi ka Langsning waka Nangkiew Irat heipor 4:00 waje i janmiet.
