Ka Mawlai SC da yoh ko yei jop wa nyngkong ha kani ka samoi ka Shillong Premier League 2023 deiwa jop da 1-0 yaka Langsning FC ha ka yalehke wa da pynman ynne ha SSA Stadium, First Ground, Polo ha Shillong.
Ka Mawlai da yoh ko yei jop da ka kool wa thap da u Dajiedlang Wanshnong haka minit wa 10.
Ka Mawlai da yoh laad ko arsien wow thap kool lyngba ka Penalty heiwa nyngkong da chim wow chut da u Fullmoon Mukhim heiwa uwa yang kool ka Langsning, u Surjay Kumar Pariyar da ye u wow kanglaad tangwa u Assistant Referee da yoo u wa uwa yang kool da khih chakhmat u Line kamtæ da phah chut biang ya kani ka Penalty heiwa da chim da u Brolington Warlarpih uwa da chut ka cha jrong u dieñ kool.
Ka Mawlai kattu da yoh ko 4 Point na ki ar tylli ki yalehke yow yoh hei wa le hadien ka Shillong Lajong FC waka Rangdajied United FC kiwa da yoh mar 6 Point.
Ka yalehke wa bood man ko ka nyngkong ka 3rd Round kawa daw pynman ha ka 30 tarik hapyrdi ka Nongthymmai SC waka Ryntih heipor 3:00 waje i sngi.
Discussion about this post