Ka Mawlai SC kawa man leh kam ka Defending Champion da hap ko wow kreh chitom yow jop yaka Nongthymmai SC da 2-1 haka yalehke ka Shillong Premier League 2023 ynne wa da pynman ha SSA Stadium, First Ground, Polo, Shillong.
Ya waroh le tylli ki kool da thap ha ka kylla miet heiwa u Dajiedlang Wanshnong (58’) da thap nyngkong u ya ka Mawlai katwa u Rabi Hansda (80’) da su kylliang u yaka Nongthymmai tangwa u Pynbha Suting (86’) da pyntam u yaka Mawlai yow pynku ka chei nyngkong hei boon Point.
Ka Mawlai da man ko leh ka liang wa nyngkong wow yoh 10 Point deiwa khlem rem na ki 4 tylli ki yalehke katwa ka Nongthymmai da neh ko hei wa ynru deiwa yoh 3 Point deiwa rem soo sien na san tylli ki yalehke.
Ha kani ka yalehke ynne, da sai u Referee, u D. Ingti 5 tylli ki Yellow Card kiwa ar tylli yaka Nongthymmai katwa 3 tylli won yaka Mawlai deiwa pynthut lang u slap uwa chibet da hiar chibet da rang.
Ka yalehke mynstep u pynman hapyrdi ka Rangdajied United FC waka Shillong Lajong FC kiwa da dep jop mar le sien wei da em ki mar 9 Point.
Discussion about this post