Ka Nangkiew Irat SC da yoh ko yei jop wa nyngkong ha kani ka samoi ka Shillong Premier League 2021-22 deiwa jop da 2-0 ya ka Mawkhar SC ha Third Ground, Polo Shillong ynne ka sngi.
Waroh ki arliang toh ki wym pu em em jop chwa ynne hanla ka Nangkiew da ya dron ko arsien na ki le tylli ki yalehke katwa ka Mawkhar da ya dron ko chisien.
Ka Nangkiew Irat da thap kool nyngkong ko ha ka minit wa 37 da ka bol wa chut u Chanmitre Thma hadien wa ya sñiawthooh bakla uwa yang kool wa sa uwi uwa yalehke ka Mawkhar kiwa da tyngkhooh wei oor ki hawa lai kdong ya ka bol heiwa ka bol da lai suk ko chapoh ka jaar.
U Bris Taro da pynman u da 2-0 ya ka Nagkiew ha ka minit wa 89.
Da ini, ka Nagkiew da yoh ko 5 Point iwa da pynku ya ka cheiwa ynru deilang waka Rangdajied FC.
Mynstep ka yalehke u man ko hapyrdi ka Ryntih SC (6 Point) waka Shillong Lajong FC (1 Point) heipor 4:00 waje noh chariñ ka sngi.
