Ka Rangadjied United FC da neh ko khlem rem haka Shillong Premier League 2023 deiwa jop sa yaka Mawlai SC da 2-1. Ka Rangdajied da yaleh ko da 10 ngut ki bru hadien 20 minit.
Da ini i jop, ka Rangdajied da yoh 18 Point na 6 tylli ki yalehke deiwa pyntam da 5 Point yaka Mawlai, iwa mut da pynskem ka Rangdajied yei yoh nyngkong ha kani ka samoi wei ka Mawlai leh da pyntikna ko yei thaw yong ka hapoh ka Semi Final tangwa ympu tip hei katwon u yoh ko manda dep u kheiñ Point wa dang ki yalehke wa dang sah.
Ya ki kool ka Rangdajied da thap da u Aenam Jyrwa (37’) wa u Basuk Bina (63’) chwa wow chah beh u Arlangky Nongsiej uwa da yoh Red Card hadien wa pynkhor u ya u Referee. Yaka Mawlai da thap kool da u Arkibor Makhroh (90’+2). U Kerichard L Marshillong uwa da mih wow yang kool ynne heithaw u Banshanskhem Kharsyntiew da ye u wow khanglaad ya kawi ka Penalty ka Mawlai wa chut da u Brolington Warlarpih uwa man leh u Captain.
Ha kani ka yalehke da e 7 tylli ki Yellow Card kiwa kynthup yaka soo tylli yaka Rangdajied wa le tylli yaka Mawlai.
Ka Rangdajied daw yalehke ko sa chisien wei ka yalehke mynstep u man ko hapyrdi ka Sawmer SC waka Shillong Lajong FC heipor 3:15 i sngi.
Discussion about this post