Ka Ryntih SC da jop ko ya ka Mawkhar SC da 3-1 ha ka yalehke wa 11 ka Shillong Premier League 2021-22 wa pynman ynne ha Polo, Shilong.
Waroh ki soo tylli ki kool toh kiwa da thap ha ka kylla miet heiwa ya ka Ryntih da thap ar kool da u Bickyson Kharkongor (48’, 58’) wei da pynuiñ ka Mawkhar chi kool lyngba u Banehskhem Khongsdam (60’). Ka Ryntih da pyntikna ko yei jop da ka kool wa thap chwa u lut lyngba u Hardy Cliff Nongbri (90’+3).
Ka Ryntih kattu da em ko 6 Point katjooh waka Mawlai katwa ka Mawkhar da em ko cha tre dooh deiwa yoh 1 Point na ki le tylli ki yalehke.
Mynstep daw pyndep ya ka yalehke wa da hap ieh khlem pynkut ini wa dep neidaw wa dap um ka madan hapyrdi ka Mawlai SC waka Shillong Lajong FC heiwa ya ka yalehke da pyndam hadien 62 minit ha ka 21 tarik heiwa ka Mawlai da pyntam ko da 1-0 yaka Lajong.
Ka yalehke daw sdang ko heipor 4:30 i sngi.
