Shillong Premier League: Jop ka Ryntih yaka Nongthymmai da ka Hat-Trick u Andy Mawthoh

Ka Hat-Trick da u Andy Mawthoh, kawa nyngkong yong kani ka samoi, da pynjop ko yaka Ryntih SC yaka Nongthymmai SC da 5-0 ha ka yalehke Shillong Premier League 2023 wa da pynman ha madan SSA Stadium,  First Ground, Polo ha Shillong ynne ka sngi. 

U Andy da thap kool u haka minit wa 25, 64 wa 68 katwa ya kiwi ki kool da thap da u Banehskhem Khongsdam haka minit wa 75 wa 90+4 wei da man ko leh i jop wa heh dooh yaka Ryntih wei i sien wa nyngkong wa khlem chah thap kool ko. 

Kani ka yalehke wa ynne man ko leh ka nyngkong yong ka Third Round heiwa ka Ryntih da jop ko hei sien nyngkong kani ka samoi hadien wa kut ka yalehke khlem em wa jop hapyrdi ka Mawlai SC wei da rem ko haka Shillong Lajong FC katwa ka Nongthymmai da dep ko wow yoh 3 Point deiwa jop yaka Nangkiew Irat SC ha ka sngi nyngkong kani ka tayaaw tangwa da rem ko la ar sien. 

Related posts

Khut ka Seng Rangbah Katholik Moolamanoh Unit wow chimbynta ha ka 2nd 8-A-Side Futsal Knockout Tournament 2026

March 20, 2026

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

Ka yalehke wa bood u pynman hapyrdi ka Mawlai wa Sawmer SC haka 1 tarik heipor 3:00 waje i sngi.