Ka yalehke wa soo ka Shillong Premiere League 2021-22 hapyrdi ka Mawkhar SC waka Rangdajied United FC da kut ko da 1-1 ynne ha Third Ground, Polo, Shillong.
U Bansanbha Khongsdam da pyntam u ya Mawkhar ha ka minit wa 26 tangwa u Chesterpaul Lyngdoh da su kylliang u ya ka Rangdajied du hadien 3 minit.
Kani da man ko leh ka yalehke wa khaddooh ka First Round ha kani ka samoi heiwa ka Mawkhar kawa man leh kawa dang psiah wot cha ka Premiere League da yoh ko chi Point kamjooh leh ka Rangdajied kawa ha u snem 2019 da yoh wa ar ko ha ka SPL. Ka Mawkhar da jop ko ya ka First Division ha u 2019.
Ka Rangdajied da em ko leh ya kiwa yalehke wa pawnaam kam u Chesterpaul Lyngdoh, u Aiborlang Khongjee wa u Samuel Shadap.
Ka yalehke wa boon u pynman ha ka 21 tarik hapyrdi ka Mawlai SC waka Shillong Lajong FC.
