Ka Langsning FC da jop ko da 6-0 yaka Rangdajied United FC yow psiah cha ka Semi Final ka Shillong Premier League 2023 haka yalehke wa da pynman ha SSA Stadium, First Ground, Polo, Shillong ynne ka sngi.
Yaki kool da thap da u Nelson Rymbai (57’P, 79′, 90’+2P) uwa da yoh Hat-Trick dewiwa thap ar tylli lyngba ki Penalty katwa ya kiwi won da thap mar chi kool da u Kitboklang Pale (45′), u Overkindness Lyngdoh Mawnai (60′) wa u Sheen Sohktung (69′).
Ka Rangdajied toh kawa da yoh chwa u psiah Semi Final wei dang neh hi ko hei nyngkong hei boon Point wei neiliang u Coach, u Aibanjop Shadap da jied u ya boon ngut kiwa yalehke ki wym pu em yoh laad u mih madan.
Ini leh da man i i sien wa nyngkong wa rem ka Rangdajied ha kani ka samoi.
Ka yalehke mynstep u man ko hapyrdi kiwa em cha tre hei boon Point hapyrdi ka Sawmer SC waka Nongthymmai SC heipor 3:15 i sngi. Waroh arliang daw yooluti ki wow pynkut yaka yalehke wa khaddooh ki deiwa yoh yei jop.
Discussion about this post