Ka Mawlai SC da psiah ko cha ka Semi Final ka Shillong Premier League 2023 deiwa jop suk da 5-0 yaka Shillong Lajong FC ha ka yalehke wa da pynman ha SSA Stadium, First Ground, Polo, Shillong ynne.
Ini toh i rem wa heh dooh ka Lajong haka SPL ha ki 10 snem wa da lai, ka Mawlai da thap ko lyngba u Fullmoon Mukhim (12’), Kevin Rymbai (47’), Brolington Warlarpih (49’), Donlad Diengdoh (72’) wa u Romarius Laban (76’).
Ka Mawlai kattu da yoh ko 13 Point khlem da rem tangwa ya Drawn ko chisien na ki 5 tylli ki yalehke wei da tikna u psiah ko cha ka Semi Final. Ka Lajong won da em ko hei wa soo deiwa yow 9 Point deiwa jop le sien wei rem arsien.
Mynstep ka yalehke u man ko hapyrdi ka Ryntih SC waka Sawmer SC heipor 3:15 wei lada jop ka Ryntih daw pyntam ko ka ka Lajong katwa ka Sawmer won ym pu em yoh ko chi Point leh.
Discussion about this post