Ka Langsning FC da yoh ko yei jop wa nyngkong ha kani ka samoi ka Shillong Premier League 2023 deiwa pynrem yaka Nangkiew Irat SC da 4-1 ha SSA Stadium, First Ground, Polo, Shillong ynne.
Ya ka Langsning da yoh wow thap kool da u Maxderidoff Wahlang haka minit wa 7, u Kitboklang Pale haka minit wa 20 wa 24 wa u Ambilstar Sun haka minit wa 73 katwa yaka Nangkiew Irat da thap da u Flavius Lalruatkima haka minit wa 63.
Chwa ynne, ka Langsning da rem ko haka Shillong Lajong FC wa ha Mawlai SC, katwa ka Nangkiew Irat won da rem ko la ar sien tangwa da jop ko yaka Sawmer SC.
Ka SPL 2023 daw sangeh ko chipor neidaw wa emkaam yaka SSA Stadium yow pynman ya ar tylli ki yalehke I-League 2023-24 ha kini ki sngi wow wan.
Ya ka SPL daw pteiñ ha kani ka 8 tarik hapyrdi ka Ryntih SC waka Rangdajied United FC heipor 3:00 waje i sngi.
Discussion about this post