Ka Mawlai SC da jop ko ya ka Shillong Lajong FC da 1-0 ha ka yalehke ka Shillong Premier League, kawa da ye u pyndep ynne ka sngi.
Kani ka yalehke toh kawa da ieh khlem pyndep hadien 62 minit neidaw wa joor u slap wei dap um ka madan ha Polo heiwa ka Mawlai da tam ko da 1-0 da ka kool wa thap u Donborlang Nongkynrih ha ka minit wa 30 ha ka 21 tarik u Naiynru.
Ynne ka Mawlai da ye ko wow ksoh ya ka Lajong chiteiñ kynta yow yoh yei jop. Da ini da mut wa ka Mawlai da jop ko ha waroh le tylli ki yalehke yong ka deiwa yoh 9 Point wei da yoh nyngkong ko heijooh i por kawa khlem chah thap kool.
Ka Lajong da em ko hei wa ynniaw deiwa yoh du chi Point na le tylli ki yalehke wei da em ko hei maa wow chah pynhiar kyrdan.
Mynstep ka yalehke u man ko hapyrdi ka Malki SC waka Rangdajied United FC kawa man leh ka yalehke wa khadooh ka Third Round heipor 4:00 waje i janmiet.
