Jowai: Ka Dorbar Chnong Thadmuthlong C Phramer ryngkat wa ka Seiñ Raij Muthlong hei emlang u Waheh Chnong yong kani ka chnong, u Yoowanphi Lyngdoh ynne ka sngi da siat dawai (Disinfectant) ki cha waroh ki thaw chong kset namo ki Quarantine Center.
Yeini da leh hadien wa da liwan lut kiwa sah Quarantine ha kini ki thaw wa da pynkhreh da ka chnong,
Heijooh i por da sait dawai leh ha ka Check Post ka Phramer Traffic Cell, Phramer.
Ya kini ki dawai wa ki tiar namo ki kor wa da pynemkaam wow siat ya kini ki dawai toh dei kreh chitom ki bor ka chnong katwa ki bru kiwa da lai wow siat dawai toh ki dkhot ka Seiñ Raij Muthlong kiwa kynthup ya u Nidapbiang Lyngdoh, u Shiningstar wa u Wanporhi Suchiang.
Da ong leh wa neini ha ki sngi wow wan daw lai siat dawai leh cha kiwi ki thaw kam ki skur, ki bank, ki yung krehkaam lada toh iwa sñiaw emkaam.
