Ka Indian Navy da siat ko yow pynyoo hadooh katwon ye u lai bait u Brahmos Supersonic Cruise Missile (Extended Range) uwa ye u siat cha ki thaw wa jngai (Land Attack) deiwa pynemkaam da ka lieñ yapam Stealth Destroyer INS Chennai ynne ka sngi.
Uni u Missile da tne u sbak ya ka thong wa da booh yow siat deiwa lai chwa cha timun tidiang, cha wah chaneiñ.
Uni u Brahmos Missile kamjooh ka jhaad yapam INS Chennai toh kiwa da chna pyn hapoh India hi wei man i leh kam chibynta wow pynyoo pyrthai yei miat ki Missile wa chna ha India kamjooh yei stat wow chna jhaad. Ini leh man ko kam chibynta ka thong Atma Nirbhar Bharat waka Make in India.
Ini da pynman ko leh ya ka Indian Navy wow ye ko wow siat rap jngai chooh chooh hanla em ki cha jngai ha duriaw.
