Ka Iran da kam ko wa da yoh ko wow siat ya kawi ka F-15E Fighter Jet ka US kawa em ar ngut hapoh wei ini da jia i hei miet ka 2 tarik wei kattæ ki lieñsuiñ ka US deilang ki Helicopter dang thooh ki ya kini.
Ki laad pathai khubor na Iran da ong ki wa ini toh iwa da jia sakhiat heipor wa kani ka Jet dang hær ko na Persian Gulf ha Qeshm Island tangwa ka Central Command ka USA da kyntait ko yeini deiwa ong wa ka Iran da kam ko yei kam ini i jooh da boonsien.
Ki Video wa da poor ha ki Social Media da yoo ya ka lieñsuiñ HC-130 J deilang ki Helicopter HH-60G Pave Hawks wa da hær ki chajan khyndaw yow thooh ya kini ki Pilot wa wiar.
Da em leh ki dur ki dar wa da poor wa da kam da kiwa na Iran toh i bynta ka Jet wa chah siat heiwa da suba wa kini ki Pilot da Eject ki wei da haap ki hapoh u pood ka Iran wei ye u man wa da chah kem.
Kawi ka TV Channel won da pynchlur ko ya kiwa chong chnong wow thooh ya kini ki Pilot heiwa daw e da ka song poisa ya kiwa chem ki.
Discussion about this post