Siat kylla ka Iran hadien wa chah dat Bomb ha ka Israel

Ynnin i miet hadooh ynne i step, ka Iran da tput ko deiwa siat ya ki Missile wa ki Drone cha ka Israel hadien wa siat Bomb ka Israel ya ka yeiwa da tip kam ka Operation Rising Lion. 

Ini i siat Bomb nyngkong ka Israel toh kam ka dak wow pynkut yei thmu chna Nuclear Bomb ka Iran heiwa da yap boon ngut ki heh chipai wa ki Scientist ka Iran.

Ka Israel da pynemkaam ko da ki Jet deilang ki Drone kiwa da rah tooh cha Iran heiwa u UN Ambassador ka Iran da ong u wa ini i leh ka Israel da wanrah i yei yap ki 78 ngut wei palat 320 ngut wa mynsoo.

Chooh chooh ka Israel da kam ko wa emkaam wow siat Bomb ya ka Iran chwa wow ye ko u chna Nuclear Bomb hanla ki bru chemphang wa ki heh ka USA da ong ki wa ka Iran ym em kreh ko wow chna kam kitæ ki Bomb. 

Related posts

Ha uni u bnai u yoh ka tulop ki Contractual Nurse: Wailadmiki

January 14, 2026

Da sdang ya ka Association kari kamai yow pynsuk ya kiwa lai Phramer-Saphai-Umrangso

January 14, 2026

Neiliang ka Iran da jubab ko deiwa siat ya ki Missile wa ki Drone cha ka Israel heiwa da dat ya ki sor kam ka Jerusalem wa Tel Aviv.

Ki chipai ka Israel da kyntu ki ya ki paidbah wow neh ha ki Bunker manda pynkieh ya ki Siren.